காதல் என்றால் என்ன ?

இந்த கேள்வியை எனக்கு நானே பல நாட்களாக கேட்டு வருகிறேன் . ஏனெனில் நான் நன்றாக தூங்கி பல நாட்களாயிற்று . இதற்கு முன் பல நண்பர்களிடம் இந்த கேள்வியை கேட்டுள்ளேன் அது என்னடா ? தூக்கம் வருது தூங்க முடியல , பசிக்குது சாப்பிட முடியல , அப்படிங்கறிங்க ? ஆனால் இந்த பாழாய்ப்போன காதல் என்னையும் விட்டு வைக்கவில்லை . கண்ணை மூடினால் அவள் ஞாபகம் , அப்படியே கண்ணிலும் , நெஞ்சிலும் உறுத்துகிறாள் . எந்த செயலைச் செய்தாலும் அவள் ஞாபகமே வருகிறது . இத்தனைக்கும் அவளும் நானும் அதிகம் பேசியதில்லை . ஆனால் இதன் காரணம் எனக்குத் தெரியும் . ஆம் ! அதுதான் அவளது விழிகள் . அது என்ன விழிகளா இல்லை ! இல்லை ! விஷம் தடவிய வேல் , கயல்விழி அந்த பார்வையின் வீச்சை என்னால் தாங்க முடியவில்லை . ஒரே பார்வையில் என்னை நாக் - அவுட் செய்து விடுகிறாள் . அந்த பார்வை சொல்லும் சங்கதிகள் தன் எத்தனை ? எத்தனை ? தயவு செய்து என் நலம் விரும்பிகள் யாராவது இதற்கு ஒரு தீர்வு சொன்னால் அடியேன் நன்றி உடையேனாய் இருப்பேன் .